章子怡15年同汪峰結婚，同年就誕下女兒醒醒，轉眼醒醒已經一歲多，而噚日汪峰46歲生日，佢就喺微博到貼咗佢同章子怡、囡囡醒醒，與及同前妻葛薈所生嘅囡囡「小蘋果」，「一家四口」合照，而小蘋果更負責抱住妹妹，真係好鬼溫馨㗎！

汪峰就留言：「你們就是我生命中最珍貴的禮物！生日快樂，這個還在追夢的大男孩......」老婆見到佢咁大個仔仲話要追夢，都忍唔住喺微博到轉發留言話：「誰是夢...生日過了再算賬！」喺網上面耍花槍，咁鬼Sweet，真係羡慕死人呢！