當年今日
關於我們

【No.1爸爸】Saving王浩信收囡囡勞作 馬神挨囝囝膊頭晒溫馨

蘋果日報 2017/06/18 17:20

馬德鐘王浩信父親節

爸爸呢個「角色」幾百變,細個佢係保護你嘅勇者,只要有人傷害自己小朋友,就會挺身而出,拖住兒女嘅手,隨時錫佢哋,不過當小朋友成長,父愛變得低調內斂,同爸爸傾偈唔多,其實天下嘅爸爸都係想仔女喺身邊,就算唔係一齊住,偶爾返去陪吓佢哋都好滿足!
今日唔少星級爸爸「放閃」,向自己嘅心肝寶貝表達愛意,希望啲仔女明白自己心意!
暖男「Saving」王浩信呢排爆紅,又係大台力撐藝人,不時job接job,連陪老婆陳自瑤同囡囡王靖喬嘅時間都冇晒,不過喺囡囡心目中,佢就係「No.1爸爸」,王浩信喺微博貼出一張相,原來佢收到囡囡親手整嘅勞作同心意卡,收到咁有心思嘅禮物,估計佢心都甜埋喇!
張筱蘭就喺facebook貼咗兩張老公馬德鐘同囝囝馬在驤嘅合照,留言:「世上沒有最好的爸爸只有更好的爸爸!你應該是最懂撒嬌的爸爸!父親節快樂!」相中先見細細個嘅馬在驤瞓在爸爸心口,而另一張相就調番轉係馬德鐘靠向囝囝膊頭,相當溫馨!
empty