車路士同上季主力前鋒迪亞高哥斯達鬧翻，盛傳鎖定愛華頓前鋒盧卡古為接替人選，回購金額可能高達1億鎊（約10億港元），遠超3年前車路士以2,800萬賣畀愛華頓嘅轉會費。那邊廂盧卡古就飛咗去美國洛杉磯度假，對於去向問題就一啲都唔急。

盧卡古去美國叉電，期間有同rapper The Game見面。佢亦不忘將度假期間嘅相放上網，其中一張見佢好輕鬆咁喺度曬太陽，舉埋勝利手勢，兼加埋句旁白：「唔使緊張，玩咗先啦。」似乎係講佢係咪天價回歸車路士嘅態度。