現任教育局副局長陳維安，一早搵定後路卸任後做立法會秘書長，佢嘅副局長一職，最近盛傳由人稱「KK公主」、屬羅范馬房嘅教育局副秘書長陳嘉琪接棒。「KK公主」向來負責公開考試，所以同盛傳係局長嘅吳克儉好熟；而佢同時專責課程發展同教科書，可以補充吳克儉不足。
「KK公主」以前喺港大教育學院教書，之後加入前教統局睇課程發展處；前幾年升做教育局副秘，但由於屬合約制公務員，所以好易轉位。據聞佢平日好識打扮，因此獲得「公主」美稱喎。