喺教統局阿瑟王李國章同教資會管家婆林李翹如治下，間間大學除咗學術研究，籌款技能亦要精益求精，港大畢業生議會聽晚就會喺數碼港一間戲院搞慈善首映，雖則叫首映，放映嘅卻係老戲《窈窕淑女》，近年吹起懷舊風，相信唔少港大舊生有興趣重溫呢齣經典。
財缺之際，向校友荷包打主意確係財路，中大校友評議會亦會喺星期日搞慈善首映，上映嘅係法國浪漫喜戲《緣來有轉機》，呢套就真係新片嚟嘅，評議會希望籌七十萬，用嚟資助兩項長者醫療服務研究，其中包括為長者進行聽力測試同埋防流感嘅長者配方，聽講啲飛賣得唔錯，已經達到籌款目標。


傳真︰2623-9278
電郵︰[email protected]