當年今日
關於我們

港鐵出軌因黃心穎佗衰家?杜汶澤「坐MTR死咗喇」半年後仍啱用

蘋果日報 2019/09/17 18:00

娛樂東鐵壹鳩大事回顧莊端兒黃心穎杜汶澤港鐵出軌娛樂

早排先有言論指「北京底線是不能再爆發對機場、鐵路的嚴重破壞」,而家話咁快東鐵就出軌,難怪有網民聯想到「轉移視線」、「嫁禍反修例」身上去。何況,親歷列車出軌的乘客所拍的影片中清楚聽到有人講咗句:「唔會有人破壞路軌吓嘛?」帶風向無難度。無論如何,出軌咁大件事只係約8人傷且無人亡,不幸中之大幸!

另外,有網民講笑咁講,話東鐵出軌皆因搵錯代言人,因為黃心穎都係衰出軌。

話時話,今年3月18日中環站有兩列列車相撞後,杜汶澤同莊端兒已經喺《壹鳩大事回顧》整咗段「你坐MTR死咗喇!」估唔到過咗半年一樣啱用。其實又點會估唔到吖,以前壞車就話少見多怪,依家已經變成常態,連出軌都接咗二,真係有可能好快連埋三,「你坐MTR死咗喇」呢條片睇怕有排翻loop。希望唔好「好嘅唔靈醜嘅靈」啦!
9月2日起升級條件將更新 繼續每月撐壹仔 講真心話撐住我香港!
empty