新一代武俠小說作者之中，以黃易及溫瑞安人氣較盛。黃易的《大唐雙龍傳》與《尋秦記》，溫瑞安的《四大名捕》系列，都先後因改編成電視劇而聲名大噪。但如果論讀者的追捧熱潮，二人均無法與梁羽生或金庸相比。
出版人彭志銘說：「如果話要成為名家，有傳世內涵嘅話，𠵱家嗰班武俠小說作者仲未入流。」他說，新一代的武俠小說往往只得十萬、八萬字，舊有的往往是數十萬字作品：「當時有個笑話，啲武俠小說嘅男主角，寫到二十萬字先出場，𠵱家嘅作者就冇呢種功力，遲吓可能二百字一篇武俠小說！」
彭志銘說，時下讀者以圖像為先，純文字的長篇作品已失去市場：「上一代冇咁多娛樂，有習慣追睇報紙連載小說，𠵱家唔會有人咁追，報紙唔登，作家亦都冇咗個地盤磨練功力。」
本報記者