加拿大麻煩小天王JustinBieber，今日下晝俾本報記者發現現身喺原宿，身邊冇女，難得「清靜」，由幾名保鑣陪同下，喺一間波鞋店行出嚟，跟咗佢哋行去一間餐廳食嘢。

唔知係咪太多人圍觀，所以佢哋只係逗留咗廿分鐘左右，拿拿聲埋單走人，但係話晒係小天王，所以其間好多日本人拎住手機掹影相，仲有唔少日本傳媒都嚟咗等埋佢。

JustinBB嘅保鑣梗係如臨大敵，起晒摃保護老闆，猛叫人行開啲咪影，不過話晒難得一見，所以梗係冇人理啦，所以一行人匆匆上車匆走人。不過話晒日本唔係佢哋地頭，司機行錯路、入咗一條單程路，最後唯有倒頭走人，最大得益梗係啲fans，又可以爭相時間影餐飽。