今個星期帶大家睇的，係會德豐及華置西環項目KensingtonHill。發展商將之形容為「精品豪宅」。

豪宅還豪宅，都唔代表廁所一定要有窗，雖然公屋嘅廁所，是有窗的。唔講呢啲，樓盤位於金鐘廊的示範單位已經開放，大家即管去睇吓個豪宅有幾「精品」。

KensingtonHill主打正常比例兩及三房，示範單位係標準戶最大呎碼，廳房窗戶夠大，走廊亦夠長，騰出騰入運動吓，身心都健康晒。

睡房面積有40幾呎，標準嘅，係新樓嘅標準囉。現樓會望半山樓景，正正宗宗的「豪宅景觀」嚟嫁。

浴室？無窗。貯物房連廁所亦係密室，就算有抽氣扇，濕氣異味......自行想像啦。不過標準單位，只有最大則設計係黑廁，買家可以揀其他則。

想知更多，睇完動新聞就動身，去參觀吓啦。