今日王宗堯同埋韓國女子組合TwoX，去到新蒲崗Mikiki出席情人節及新春活動，TwoX著住超短裙載歌載舞，仲露晒打底褲，見到TwoX嘟嘴賣萌影相，男神王宗堯都要托腮擺Chok甫士。

王宗堯話新年期間會去外遊充電，想曬黑啲為未來嘅電視劇同電影作好準備，如果搵到私人地方都唔介意裸曬。提到港視劇預計九月就播完，佢有份演出嘅《選戰II》開拍無期，王宗堯都有啲心酸話﹕「真係想知開台係需要啲咩條件，佢(王維基)都有挫敗，下星期會同王生見面，到時問吓佢。」

王宗堯希望有番本地製作，始終呢個係香港人希望，佢話﹕「香港電視係香港人嘅電視台，如果可以令電視台營運，繼續有製作，呢個絕對係我嘅希望。」