【新增動新聞】
比利時國家隊前鋒盧卡古透露，他今個夏天之所以放棄重返史丹福橋嘅機會，選擇加盟曼聯，係因為要一圓喺摩連奴麾下踢波嘅孩提時代夢想。

盧卡古係以7,500萬鎊轉會費由愛華頓入「魔」，喺轉會過程中放棄重返車仔，寧願繼續幫當日賣走自己嘅摩佬踢波。佢話：「我由11歲開始已經想幫摩佬踢波，當你再一次有咁嘅機會時，仲點可以say no？摩佬一路以嚟都無變過，每日對球員嘅要求都好高，唔會畀你放鬆，呢樣係我鍾意佢嘅地方。」

計番條數，盧卡古今年24歲，13年前已經想幫摩佬踢波，即係啱啱就係摩連奴幫波圖贏歐聯果一年，盧卡古都真係幾有眼光呀！