香港首富李嘉誠嘅一舉一動,總係市場焦點,甚至連加拿大傳媒亦都冇例外。八方噚日睇到加拿大知名報章《環球郵報》報道,誠哥將其家族持有嘅一億五千萬股加拿大上市的赫斯基石油股份,由加勒比海巴巴多斯的控股公司,轉至盧森堡一間控股公司持有。
各位讀者可能唔明係乜事,簡單講,就係誠哥將一批赫斯基股份,由一處搬去另一處。《環球郵報》引述專家稱,誠哥今次嘅舉動或與稅務安排有關。呢篇報道相當詳細,講及赫斯基即將派發股息,誠哥可取得一億五千萬加元(約八億四千萬港元),計稅就好可觀。但稅務安排到底點樣搞,嗰位專家都講唔出,或者唔敢隨便講。
重有,早前有調查話盧森堡係上半年最多外來直接投資的地區,有人唔明點解會係盧森堡呢個小地方,其實咪就係咁解囉。
傳真︰2623-9278
電郵︰
[email protected]