入境處噚日安排記者行家參觀平日甚少曝光嘅港口管制科，並由副處長周國泉帶隊，登上政府嘅「天后號」，出海去船隻碇泊處、避風塘同屯門內河碼頭，直擊佢哋日常為出入香港嘅大小船隻做出入境檢查同搜船嘅情況，又拎咗啲專check貨櫃人蛇嘅二氧化碳探測器示範畀我哋睇，真係令八方大開眼界。
港口管制科嘅阿Sir話，平日成日要坐船出海做嘢，有苦有樂，樂嘅係同一條船嘅人好有團隊精神，苦就係日曬雨淋，重試過有同事過船時夾斷隻腳。佢哋船隊中有兩隻船已經有成二十年船齡，正計劃購買每隻九百萬嘅新船替換。而呢一科重有個特色，就係陽盛陰衰，得兩個女仔。

傳真︰2623-9278
電郵︰[email protected]