袁偉豪今日出席活動嘅時候，就話唔知同場嘅岑麗香有咗BB，佢話對上一次同對方合作係《On call 36小時》，而最近見面，則已經係年頭嘅事，仲反問香香個B係唔係仔，亦祝佢身體健康、BB快高長大。

最近好多喜事，問到袁偉豪會唔會都想搞吓喜事，佢就話：「最近身邊都多朋友有喜事，少少都有被感染到，都會諗吓自己嘅將來，諗吓幾時成家，畀多少少時間我搏殺吓先。」

聽日就係《歡樂滿東華》，袁偉豪表演上都有啲驚險動作：「噚日已經完成錄影，咁啱女朋友喺身邊行過，見到佢我就諗不如快啲返屋企食飯。」

講到黃子恆被指搞大大陸fans個肚，袁偉豪就話冇同對方聯絡，唔方便講呢件事，仲話希望佢振作，呢件事都會令到觀眾對佢嘅睇法有影響，希望佢會變得更好。

精選娛聞，喺晒《娛果》
http://fb.com/appledailyent