狄波拉和謝賢昨晚出席《逆戰》首映，專程到場撐霆鋒和未來女婿安志杰，對於有傳鋒芝復合，她坦言霆鋒不准她問這方面的問題。

問她若鋒芝復合會否很驚？又或是根本不想兩人復合？拉姑笑說：「你哋唔好代我講嘢，總之大家唔好放我喺佢哋中間，有時天意難違，如果係復合我梗係祝福，唔好講到好似要我批准，就算點唔好，亦唔會係敵人，因為佢嘅點都係我寶貝孫嘅父母。」