本港有逾4.3萬名投資者購買了雷曼相關的結構性產品，包括迷你債券和股票掛鈎票據（ELN）。雷曼破產後，很多苦主聲稱遭銀行誤導，最常見是被游說將定期存款改買其他投資產品，包括苦主大聯盟副主席簡浩名，「佢（銀行職員）冇提過雷曼，亦冇刻意提係股票掛鈎，只話同做定期冇分別」。

從事貿易生意的簡浩名在深圳開公司。他是渣打銀行長期客戶，一直做開定期存款。2008年初，他見內地息口較高，打算將8萬美元（約62.4萬港元）匯到內地的渣打銀行。他說，當時一名正在見客的銀行職員知悉後，隨即挽留他，「佢話見係舊客，畀番靚啲息口，雖然都比大陸低些少，但唔使調來調去咁麻煩」。

簡浩名說，當時職員未有提及雷曼或ELN，「坦白講，我係簽咗份嘢，我以為係做定期」，整個過程只約10分鐘，「我簽完名就走」。雷曼爆煲前3個月，他曾想取回該筆「定期」，「但佢（職員）話唔好攞住，要等到期，唔係會蝕」；直至雷曼宣佈破產，紙包不住火，「先同我講原來買嘅係雷曼發行，嗰陣時先如夢初醒」。

另一苦主陳先生經營內地出入口生意，經常透過星展銀行匯錢，銀行經理常游說他投資外匯、孖展及基金等，但他都拒絕；後來對方建議購買「信貸相連可贖回債券」，聲稱回報可達5厘，「佢話好穩陣，好似盈富咁係債券，但掛勾幾間3個A（信貸評級）公司，話可以分散風險，仲話咁多間公司冇可能同一時間爆煲」。

直至2007年，陳先生有筆定期存款到期，該經理再游說他購買有關債券，「佢話你以前買過，都幾好㗎，又係掛勾幾間公司，不過係唔同公司啫」，當中包括雷曼，該經理稱雷曼是「AAA」級公司，「仲好過和黃，我梗係覺得冇事」。全程只花了數分鐘作電話銷售，沒解釋風險，便促他到銀行簽署銷售文件。後來他始知兩款是不同債券，產品抵押品有別，「根本冇交代過」。

雷曼苦主大聯盟召集人陳浩偉表示，曾接觸過銷售雷曼產品的銀行職員，他引述有職員指，其實對所銷售的產品認識不深，「佢話上2個鐘頭堂，講5隻基金，每隻基本講得25分鐘，又冇發問時間，邊可能會識得咁詳細，好明顯銀行教佢點sell（銷售）就點sell㗎啦」。

記者 王家文