陳冠希父親陳澤民，不時被拍得與同性友人蜜遊，包括多年前與肌版「林峯」謝宇風去曼谷旅行曬太陽，又被揭與前亞洲先生冠軍朱曉輝一度過從甚密，兩人曾被拍得在利園撐枱腳，其間朱更幫陳斟水，陳則餵朱食蝦片，不愁寂寞。

陳澤民似乎對銅鑼灣情有獨鍾，多次被拍得與不同男伴出入該區。噚晚7點半左右，又見到陳澤民現身銅鑼灣，不過今次唔係一對一，而係一對六！六個同伴都係仔！陽剛味特濃呀！！！！

「以一敵六」嘅陳澤民，噚晚同呢六個囝囝去到時代廣場shopping——不過齋係「視窗模式」，齋睇。

就係咁，陳澤民與六條仔喺時代廣場行完一層又一層，一層又一層，都只係windowshopping，完全冇入過舖頭。六個囝囝主要都係講國語嘅，個個都係大大隻隻嘅小鮮肉，青靚白淨，而且style都好相似……其中有幾個係孭住背囊，個feel好似自由行。

雖然只係「視窗模式」購物，但陳澤民興致甚高，不時指東指西同大家介紹番銅鑼灣有咩買；就連行過金行，一眾7男都係過門不入——但都會望下嘅。呢班男團浩浩蕩蕩咁喺街上行，陳澤民一直帶頭，行行下啲小鮮肉都開始耳語密斟，唔知傾啲乜。只見陳澤民似乎同其中一個粉紅Tee及膝短褲仔嘅小鮮肉特別好傾。

之後一行人又轉戰利園，都係windowshopping，咁又行咗半個鐘。行到攰當然要搵嘢食，結果佢哋去咗西苑一間廂房用膳，食食下仲有位中年叔叔入房join佢哋，之後點？拉咗簾睇唔到lu。