馮仁昭噚日打畀思欣,佢話:「呢排得閒咪學吓老公咁做生意,我係小股東啫,食肆有三層,除咗主打火鍋同雞煲,樓下仲有日本料理。」思欣話始終最鍾意都係演戲:「港視開唔到台好可惜,其實藝人好對整個行業都好。」下月佢會幫新城開咪做節目,試吓做DJ。
思欣進軍飲食界,不獲續約嘅港視藝人黃澤鋒同林熹瞳都分別有後着,黃澤鋒日前話:「我本月中已經滿約,奈何公司遇到咁嘅情況,都冇辦法。我咪繼續做番飲食、做顧問、做舞台劇。我唔想離開呢個行業,時勢唔容許,我咪忍耐囉。」下月底約滿嘅林熹瞳就話有寫開劇本,收入都冇問題。
撰文:馮仁昭