【新增回覆及影片】

獨立股評人胡孟青今早在《新城財經台》主持開市時以「愚人節啊！係咪呃人架？ （堅料嚟架）係咪講笑喳？聽日會冇事㗎啦？」作開場講述滙控（005）宣佈取消派發2019年第四次股息的消息，並大呼「買嚟收息啊啦？講咗會cut dividend（削減股息），不過冇諗過會冇曬」。

在2009年3月9日滙控競價時段插至33元，青姐曾經在鏡頭前灑淚當場。片段上載YouTube，一天瀏覽次數逾10萬次。青姐解釋滙控有如自己湊大的小朋友，股價跌得太慘才激動落淚。青姐今日心情大為不同，笑指「依家愛的迫降，考驗你對滙豐嘅感情有幾深」。

青姐：好機會教訓投資者的僵化傳統思維

青姐回覆本報查詢時指，滙控的前景要視乎經濟環境，「你哋可能淨係關心一日股價，我哋睇嘅前景唔係淨係得一隻滙豐，係整個銀行業，成個金融體系」投資者不應用僵化的傳統思維，只望派息，而要期望一家公司賺錢，「以為買股票淨係走去收高息，睇住人哋9厘幾走去追，邊有咁大隻蛤乸隨街跳咩」，大嘆「幾好啊！人哋點講你都唔聽，而家係一個好好嘅教訓」。

雖然股價一度失守40元，但她認為現價未完全反映消息的影響，又指「如果呢個位買嚟收高息，係咪自己呃自己呢？」滙控長情股東兼財經評論員曾淵滄表明「此情繼續」，會「一股不沽」，青姐說不會強迫投資者走貨，「你叫曾淵滄沽晒啲貨，佢同你死過啊！佢嗰啲1987年揸到而家，就算派少一年息都冇所謂」。她提及影響最大的是持重倉滙控的退休基金或大機構，但相信不會在高位時買入，加上該股未有提及以後不派息，唯有以不變應萬變。

2018年已沽清滙控

她已在2018年以84.7元沽清該股，重申已今沒有買入。被問及現時會否吸納，她笑指「股票今時今日買嚟沽架大佬」，最後一個買來持有的股份是中銀 香港 （2388），連之前持有的反向ETF「7500」都沽清。面對複雜多變的市況，她認為投資者要分散投資，買增長、盈利，以及動力皆與時並進的股份，例如「ATM」等新經濟股份，但強調現況都不能「放生唔郁」。最後指「其實依家唔買股票唔會死，買遲一陣都唔會死，等佢定返啲先考慮都唔遲」。

渣打同時宣佈撤回去年末期息，青姐在電台節目中指「渣打話晒起碼2015年和2016年都冇派息，大家好似習慣咗」，住滙豐「真係好唔習慣喎！」因為已於金融海嘯後削減派息。她不驚訝該股的舉措，解釋自從美國聯儲局將息率降至零後，很多人另尋找資金避難所，直呼「息即是升，而家息即是空啊！」雖然若該股維持派息，本來是云云藍籌股中息率最高的一批，但青姐認為凡事非絕對，滙控之前宣佈了暫停裁員計劃，當歐央行和監管機構都呼籲金融機構在困難時期保客戶、保員工，便犧牲了股東利益。