【擔心杯新抱茶？】同兒子各有天地 吳岱融：希望女仔主動啲
蘋果日報 2017/09/23 17:12
陳柏宇拍拖倪晨曦吳岱融內斂
（攝影：仇志德）
倪晨曦、吳岱融同陳柏宇今日喺旺角為聲演嘅電影出席首映，剛從倫敦返港嘅倪晨曦，話半夜收奇怪電話：「有個男人猛問我係咪倪晨曦，我驚到即刻收線。佢打嚟冇來電顯示，再見到唔會聽。」
而吳岱融聲演這戲，佢指戲中角色與自己跟兒子關係相似：「大家都各自世界，但個仔又想親近父親。記得阿仔細個睇戲驚會捉實我手。」佢話阿仔已經20歲，但佢同老婆鍾淑慧都冇刻意追問兒子有冇拍拖：「如果拍拖都有機會都想見吓，但係佢內斂未必追女仔，希望啲女仔主動啲。」
倪晨曦、陳柏宇同吳岱融今日宣傳電影
倪晨曦話自己半夜收奇怪電話，嚇到以後都唔會接。
吳岱融話同太太冇特別問兒子感情事，但其實好想知兒子女友咩樣。