加拿大小天王JustinBieber日前成為咗時裝品牌CalvinKlein內褲嘅新代言人，係威係勢，之後相片俾人跟爆咗造假，唔單止腹肌、胸肌加工過，連內褲嘅重要部位都變成「大鵰」。公開呢輯相嘅網站BreatheHeavy，之後就收到小Justin方面嘅律師信，話如果唔將小Justin執相前後由兩張相組合而成嘅gif檔移走同道歉，就會捱告，BreatheHeavy唯有移走張相兼道歉，網站話：「小Justin拒絕承認被執後嗰張相係真，我哋都尊重佢。」

而CK方面都幾力挺小Justin，讚揚拍攝嘅小Justin話：「佢每日現身嗰陣都精力充沛，尤其係因為有套鼓喺側邊嗰陣！」