當年今日
關於我們

【今日ENT(1)】 由《美麗之最》開始 側田:苦情歌係一種治療

蘋果日報 2017/09/29 22:24

側田唱K今日ENT

側田一入鏡,尖叫係好正常嘅…艷福不淺嘅佢仲同四位女主播 :Rachel、Nana、Cathy、表妹今晚一齊唱K!佢仲好好記性咁,逐一背出晒眾主播嘅名添!
問側田多唔多同朋友一齊唱K?佢好得戚話噚晚先同朋友去完。咁大家就點歌先啦,識聽一定聽《命硬》,但側田唔唱住,佢揀《美麗之最》。此時側田望望手機留言,照讀:「呢個咁樣衰嘅叫側田?叫佢收皮啦!」眾笑。
合唱完第一首,側田笑言證明佢噚晚真係去唱K,因為把聲有啲沙……
問問題。問側田最愛邊種運動?佢好驕傲咁話,所有球類活動都鍾意,總之係球類,佢就啱。最叻邊樣?側田答:「冇一樣嘢精。」
Fans男多定女?「篤波時都係男仔同我傾偈多,我真唔知男多定女多,可能男多,可能因為依家佬咗。」然後就唱一首劉浩龍嘅《二等天使》。
之前側田去北京發展,有網民問佢返來香港幾耐?佢話:「我返咗嚟好耐喇。」當初點解放低香港市場?側田話:「因為女朋友。」
講開感情生活,有人問側田啲歌點解都係苦情歌居多?佢話係一種治療,「唔開心時就寫呢啲苦歌,就好似人哋寫日記畫畫跑步。我剛plug一首歌,《UPSIDEDOWN》,慘歌係用嚟抒發。」
場地提供:Neway
empty
攝影:陳俊強
empty
empty
empty