當年今日

求驗客手記:歐洲足協官網又放流料 - 求驗客

蘋果日報 2008/10/06 00:00


我求大俠幾日前批評過歐洲足協出嗰本歐聯特刊,居然寫錯祖雲達斯嘅聯賽冠軍次數。昨日,我求大俠上歐洲足協官方網站,睇下歐協盃種籽排名,居然又畀我搵到錯處。第4種籽嗰行,西甲球隊桑坦德明明係西班牙球隊,居然寫住:ENG(英格蘭),大佬!做網站班友係咪球癡嚟㗎?老實講,我哋寫波佬最注重資料來源嘅可信性,內地網《新浪》同《搜狐》已經係「三鹿牌奶粉」,堂堂歐洲足協官網又發現有「三聚氰胺」,我求大俠以後點寫稿呀?