基斯坦奴朗拿度（C朗）2017年先聲奪人，攞咗世界足球先生，當日仲帶埋女友佐真娜（Georgina Rodriguez）到場，認證兩人情侶關係。之後，皇家馬德里應付西盃16強次回合賽事，結果C朗呢場比賽缺陣，而有傳媒影到C朗當日原來喺馬德里名店買手袋，相信係送畀女友佐真娜。至於C朗當日就同囝囝齊齊逛街，仲影到阿囝身上件衫係C朗自家品牌，又可以宣傳埋，夠晒商業頭腦。