中環中心股東之一、亞洲地產主席蔡志忠今日出席中原工商舖新春團拜時被追問有關中環中心最新進展，引入香港前女首富朱李月華，他回應，引入朱太做股東是好事，朱太睇好，令市場明朗啲，對市場產生正面影響。

他補充，目前與銀行傾按揭傾得七七八八，拆息回落，資金充裕，銀碼雖大，但股東組合有實力。目前向銀行貸款4成，另外有其他融資安排。被問成交後有何動作，他回應:「不方便講太多，始終唔係由我主導，我係個小股東。」

被追問5月是否上會，他答:「上左會之後先安排，部署呀…銷售呀……我諗問返朱太會合適。(之後會拆售?)真係未知，我覺得我地唔會好多拆售，分貨，佢地好多都自用。」至於有中國官方背景是否仍是股東，他先笑一下，然後支吾以對地說:「暫時應該就……者係……你真係問下佢地，我覺得就，既然有啲退出，有啲入來，都好正常。問當事人好啲，不便透露，我呢個角色似乎就……」

接著談及今年投資計劃，他表示，中環中心話就話小股東，但小小都唔小，先搞左呢個先。下半年諗住十零廿億掃貨，買返啲寫字樓及優質物業。

他睇好港島區核心商廈，因外資及內資湧入香港，預計無論租金及價格有10%升幅。

記者 陳家雄