出爐香港小姐麥明詩，由參選開始已經先聲奪人，摘冠之後，她的新聞仍然熱炒，最近有報道指麥明詩曾講過有意從政，而她的牛津大狀男友林作亦有意參選區議員，前晚她出席仁愛堂在尖沙嘴洲際酒店舉行慈善演唱會，同場還有亞軍龐卓欣、季軍郭嘉文和友誼小姐林凱恩。
對於有報道指麥明詩有意從政，她反問記者說：「係咩？其實我細個真係對政治有興趣，但𠵱家先履行港姐責任先，N年後都唔知發生乜嘢事，𠵱家增值自己先。」被問到男友林作想參選區議員，麥明詩說：「我啲朋友都有好多唔同興趣，佢一向對社區工作有興趣，佢可能考慮緊，詳情就唔知。」如果林作參選，作為朋友又會否支持？她說：「人各有志，如果想充實自己都係好事。」不過，講到幫手拉票助選？麥明詩即刻落閘說：「我諗我應該好忙。」

郭嘉文被指借錢不還

港姐是非，亦不止麥明詩一個，季軍郭嘉文被指曾借錢不還，她否認說：「我嘅財政健康，從來都冇問人借錢，今晚嚟呢度係參加慈善活動，希望了解慈善機構運作。」
另外，仁愛大使許廷鏗和林欣彤唱歌助興，曾被指患有厭食的林欣彤，最近肥了不少，她說：「我想瘦啲，冇可能節食減肥，要做多幾倍運動。」許廷鏗附和說：「我可以做證，佢做好多運動都減唔到，成日食嘢佢會叫大家清晒啲嘢先准走。」
採訪：馬建華
攝影：仇志德