韓國女團f(x)前成員Sulli，不時於Instagram公開意淫、飛釘照，是非不絕，近日Sulli就被發現疑似開咗另一個新Ig，當中有三張女性內褲嘅繪圖。

Sulli嘅Ig目前只follow一個名叫「be_my_panties」嘅Ig，因此被網民猜測係Sulli新開嘅另一個Ig。「be_my_panties」嘅簡介係一個調色盤，估計係用嚟專公開畫作。

目前「be_my_panties」中只有三張女性內褲嘅繪圖，而且都係用俯視嘅角度畫出女子只穿內褲嘅畫面，唔少粉絲似乎已認定呢幾張內褲繪圖係Sulli嘅作品，留言大讚Sulli畫功獨特，亦有人問Sulli係咪打算做設計師出自家品牌。

另外，Sulli今日於Ig公開新相，照片中佢坐喺車內，不過似乎因為好大風，令上衣變成好似氣球咁。