練馬師方嘉柏隻「幸運儀」上季兩戰一次尾二，一次尾三，落敗動輒十幾廿個馬位，到今季再兩戰，名次仍係雙位數，但距離已大幅縮短至六個馬位以內，呢次元旦日初跑千六米，若忽然由蟲變龍，第一個唔意外嘅肯定係前騎師Simon仔嚴顯強。
雖然Simon掛靴多年，但對跑馬仍好熱衷，且參與幾個賽馬團體成為馬主，「幸運儀」就係其中一匹愛駒，早輪Simon話呢匹馬係方仔買入，並研究過隻馬性能，係正宗一哩後上馬，所以之前一再跑千四米，志在取經驗。照咁講，今次用旺人郭能跑理想路程千六米，呢隻冷門其實又幾明刀明槍喎。