小妹啲歌喉經常贏得成班同事嘅掌聲，心郁郁都想再進一步參加三色台嘅《超級巨聲》，或者二奶台嘅《亞洲星光大道》。左諗右諗都未有決定之際，one2free又出奇招同英皇娛樂合辦網上新秀歌唱大賽，勝出者可以得到英皇嘅藝人合約。小妹嘅歌星之路又多個選擇。
one2free老友報料話，今次比賽安排喺one2freeMusicholic互動音樂平台舉行，即日起至8月6日，參賽者可以透過上網上載自己嘅MV到musicholic.com.hk。每段MV唔可以超過五分鐘，檔案體積要細過200MB，每位登記用戶可上載最多三段影片。Musicholic用戶可以免費參加，非用戶只需畀$1行政費登記one2freeMusicholic試用服務，一樣可以參加。

入10強先贏手機

老友又話，首輪會選出50位入圍參賽者，之後再選10位入總決賽。Musicholic網站（手機及PC版）同YouTube等社交網站會播放入圍片段。最後10位入圍參賽者可獲手機一部，英皇仲提供培訓課程。8月31日總決賽，Musicholic會播放比賽過程。one2free用戶可以透過手機睇參賽影片，同埋投票選「我最喜愛參賽者」，非用戶同樣可以用$1登記試用服務睇片同投票。主辦機構呢次奇招「收o靚」，搞到小妹未做歌星，先要登記幫襯。

電郵：mailto:[email protected]