【budget幾多先?】指曾若華着得好男仔 林德信豪爽出錢買花花裙
林德信曾若華
林德信(Alex)同曾若華(Jude)今日到新城宣傳新歌《On The Road》,兩人一碰面就傾聽日上電視台宣傳着咩衫,平日兩人到電台宣傳都着得隨意一點,Alex表示想着西裝,並提議Jude着花花裙。一向鍾意牛仔褲T恤嘅Jude即面有難色話:「佢成日話我着得好男仔,希望我今次可以女仔啲,但今次係一個好大嘅突破,因為我自從小朋友跳芭蕾舞之後,都未着過呢啲裙。」更質疑Alex服飾方向錯咗,Alex解釋喺大家未聽首歌之前,就可以先被佢哋華麗服飾吸引。
Alex越講越興奮,令Jude唯有無奈接受,但提出可能公司冇得報銷置裝費,Alex即爽快答應出錢,並說:「我畀錢,你就要畀我幫你揀衫,但係我公道,你可以幫我揀番,聽日就要用,一陣訪問完去買。」Alex日前揸電單車去拍呢首歌MV時壞車,噚日又被影到私家車爆呔(新聞連結: https://bit.ly/2OFjoAk ),佢笑住話:「我決定聽日唔再揸車出街,我自己換咗呔,應該係風球之後,條呔踩到街上面啲雜物而爆。」兩人在風暴中都未有任何損失,家住洪水橋嘅Jude喺十號風球下,仲揸車外出幫朋友視察新居地盤有冇受破壞。
精選娛聞,喺晒《娛果》
http://fb.com/appledailyent
林德信同曾若華e)今日到新城宣傳新歌《On The Road》