各式各樣廉價的微整形項目充斥社交平台，令不少貪靚少女蠢蠢欲試，甚至有19歲少女已是這些假醫生整形團的常客，她們對醫生的資格、微整時的衛生情況似乎毫不關心。有微整少女坦言，曾跑步和健身都未能瘦身，她們一般只在乎價錢和術後效果，無考慮整形風險，笑指：「下世唔好再做女人就唔使咁痛喇。」

記者：龔蕙芝 曾慧殷

年僅19歲的Joey已多次經Yoyo接受微整，分次接受埋線瘦面、填充下巴、隆鼻等微整形手術，「最緊要整得自然，唔好畀人睇得出係整過就得。」Joey每次都會諮詢假醫生的意見，對微整形藥劑的份量亦見慣見熟，「下巴落1 ml得啦」。假醫生亦附和說：「係呀，1 ml就夠，唔使2 ml」。

家住天水圍的Joey畢業後從事零售業，因貪靚不滿娃娃臉而在Instagram搜尋微整形資料，從而認識Yoyo而初嘗微整，最後成為常客，每次微整花費約2至3千元。她亦有留意網上其他整形失敗個案，同時關心Yoyo隆鼻失敗的經過，不過就沒有考慮自己微整有同樣風險，只提醒其他少女，「驚就唔好睇（手術經過）。」

同樣有多次微整經驗的23歲少女阿欣一直不滿自己胖胖的身型和臉型，「我已經有做運動，跑步同健身都減唔到，覺得都係要靠呢啲（整形）先得。」阿欣花費1.7萬元同日完成雙腿、手臂、臉頰的埋線減肥療程，過程期間多次叫痛，但為貪靚忍痛完成，「我之前去過大型嗰啲（醫學美容中心）做，好貴，而且瞓喺嗰啲手術枱冷冰冰，感覺好差」。她不諱言曾擔心手術過程，所以花了很長時間與Yoyo傾談，「反正都係痛，諗住試下呢個（假醫生整形團）」。

在假醫生整形團中，來光顧的少女都不會問醫生或其他顧客的名字，亦似乎不想介紹自己，更指不會讓家人及朋友知道。有少女完成大腿埋線減肥手術後，離去時痛得一拐一拐走路，亦不敢叫親友陪伴。對於為何疼痛萬分仍願意嘗試恐怖微整，少女們沒有否定這些黑市微整，阿欣無奈笑指：「下世唔好再做女人就唔使咁痛喇。」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568