香港「風之女」麥卓穎（Wing）返到香港啦！

呢位13歲港將早前喺意大利舉行嘅Techno293滑浪風帆世界青少年錦標賽，奪得15歲以下組別冠軍！咁巴閉，知道阿Wing禮拜一返嚟，一大班電視及報章傳媒都一早到機場守候是常識吧！阿Wing因為要等帆板，所以抵港後差唔多等咗兩個鐘先出到閘。小妹妹見到咁多傳媒接機就話：「「都幾緊張，但都唔及我拎世青冠軍緊張。」阿Wing仲期望可以參加2018年喺阿根廷首都布宜諾斯艾利斯舉行嘅青年奧運會，為香港再爭獎牌，又話去咗意大利20幾日，食意粉多，所以返到嚟最想食揚洲炒飯喎！

阿Wing除咗玩滑浪風帆叻之外，原來打籃球都有一手，仲係校隊球員，有份打D1籃球賽，認真犀利。平時都會入球場睇甲一嘅麥卓穎亦都話，南華隊長惠龍兒（Duncan）係佢最鍾意嘅球員，至於NBA球員，佢最like嘅就係勇士控衛史堤芬居里（Stephen Curry），因為咖喱仔射三分波勁喎！