連詩雅（Shiga）今日去到新城電台接受訪問。與周柏豪非常老友的Shiga透露，在柏豪的囡囡出世首日便到醫院探望，她說：「我不斷問住佢BB幾時出世，知道佢出世嗰日，膽粗粗問佢可唔可即刻嚟睇，佢話ok，我第一日見BB個嘴已經好似柏豪，而家BB個樣同出世時好唔同。」對於何時做媽媽，Shiga笑言暫時逗玩別人的BB。昨日家庭聚會，知道表哥添丁，自己再榮升為表姑姐，Shiga笑言不懂倫理稱謂，不知道自己是表姑姐。

自言最近體弱多病的Shiga，趁在家休息就會追看周柏豪新劇，看到柏豪演出別有一番感覺，Shiga說：「平時同佢好熟，睇電視見到好唔同嘅柏豪，自己都好想拍劇試演不同嘅自己。」Shiga表示，今年工作機會多，但收入減少，旺季聖誕節沒工開，不過會陪伴媽咪慶祝聖誕，她說：「聖誕正日會同媽咪食飯拍拖，唔會同男朋友，有啲話題要兩母女先傾到偈。」

採訪、攝影：張明

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇