公司防玩失蹤
栢芝稱兩子遭扣押護照
蘋果日報 2014/04/02 00:00
商台昨日凌晨播出張栢芝第二集錄音訪問，今次栢芝未有提及前夫謝霆鋒，只是再次重申自己的所作所為，全因她是敢作敢言的人。栢芝透露出道時很想做DJ，試過衝入俞琤房要求對方開一個節目給她，栢芝說：「我記得佢同我講唔好講笑。」
出道時，出名任性的栢芝，承認喜歡玩失蹤，她說：「20歲生日嗰年係遊船河派對，後生玩得開心，過咗海就係神仙，生日之後第二日有嘢做，公司不停打畀我，要我返工，打咗好多次，打到電話冇電，仲打埋畀船伕，但我唔想返，最後掉咗部電話落海，公司搵我唔到，就落住大雨坐大飛去海中心搵我，捉我走。」
除了掟電話落海，栢芝還喜歡搭飛機走佬，她說：「心情唔好，好鍾意一個人揹背囊旅行，又係有job做，公司又係搵唔到我，就算搵到我，我已經喺第二個國家。嗰次喺美國，不過個job推咗一日，我就真係飛返嚟，自此之後，公司將我啲回鄉卡、身份證同護照放喺公司夾萬，𠵱家都係，就連我兩個仔passports都喺公司，驚我走佬呀!」不過大家見到栢芝經常帶住兩個仔周圍飛，護照被扣押，有吹水之嫌。
出道時，出名任性的栢芝，承認喜歡玩失蹤，她說：「20歲生日嗰年係遊船河派對，後生玩得開心，過咗海就係神仙，生日之後第二日有嘢做，公司不停打畀我，要我返工，打咗好多次，打到電話冇電，仲打埋畀船伕，但我唔想返，最後掉咗部電話落海，公司搵我唔到，就落住大雨坐大飛去海中心搵我，捉我走。」
除了掟電話落海，栢芝還喜歡搭飛機走佬，她說：「心情唔好，好鍾意一個人揹背囊旅行，又係有job做，公司又係搵唔到我，就算搵到我，我已經喺第二個國家。嗰次喺美國，不過個job推咗一日，我就真係飛返嚟，自此之後，公司將我啲回鄉卡、身份證同護照放喺公司夾萬，𠵱家都係，就連我兩個仔passports都喺公司，驚我走佬呀!」不過大家見到栢芝經常帶住兩個仔周圍飛，護照被扣押，有吹水之嫌。
任性栢芝經常帶着兩兒子周遊列國不返學，但她開咪時竟說跟兒子的護照被公司扣押。
資料圖片
資料圖片
梅姐當眾鬧
栢芝又提到當年梅艷芳離世前一個生日派對上，她因為阻止梅姐飲酒，而被當眾責罵，她說：「當時佢身體唔係好得，梁家輝哥哥入場前已經講咗，所有嘉賓唔可以畀酒佢（梅姐）飲，所以全晚我就幫手頂酒，梅姐當住百幾人面前鬧我，鬧得好犀利，但我堅持唔畀佢飲，但如果佢照飲，我都會照話佢，雖然後輩唔應該咁對長輩，唔關心先唔敢言。」
撰文：非非
撰文：非非
栢芝跟梅艷芳拍電影《鍾無艷》結緣，當年阿梅因被阻飲酒而罵得栢芝狗血淋頭。
張栢芝（左）為好友Rick Chin節目做嘉賓主持。