鄭啟泰噚晚喺觀塘接受網上節目《合則來明星會館》主持程瑤訪問，主題講旅遊，佢話之前去咗一個非常嘅旅行，就係去瑞士踩單車，由瑞士踩去德國、奧地利，再踩返去瑞士，途中離開萊茵河瀑布，好靚。

原來今次已經係佢第二次去當地踩單車，認真富貴，啟泰笑話：「唔係，有平機票同平酒店㗎嘛，唔貴，有時都要住荒山野嶺。」不過論最難忘嘅旅遊經歷，佢話一定係到新疆羅布泊，啟泰話：「曾經一次幫亞視錄影節目，跟料學家去羅布泊，嗰度好耐之前係中國試爆原子彈嘅地方，我哋去參觀湖下嘅軍用設施，呢個行程每日只係派兩支水畀我飲，七日冇沖過涼，之後反到烏魯木齊，我沖咗3個鐘涼。」

另外，講到佢之前搵筱靖做面包台一個節目《面包俠》嘅嘉賓主持，筱靖最近就炮轟收唔到車馬費( 新聞連結： http://bit.ly/2hOhVZl )，鄭啟泰就話：「可能誤會啫，面包台冇拖過糧，我去長春做嗰個活動都收咗錢，佢點解咁講，我真係唔識答。」