政府無視民意，急於通過引渡惡法，導致反送中行動升級，今早8時起，示威者塞爆金鐘道及夏慤道，下午3時左右，示威者跟警察發生衝突，警方除出動催淚彈、催淚水及胡椒噴霧外，更罕有地使用布袋彈及橡膠子彈。

昨晚大批市民到金鐘圍政總，何韻詩和黃耀明都到場聲援，阿詩拍攝現場情況在FB做直播，她說：「我哋而家喺政總嘅外面，好多示威區被攔晒，啲人去晒天馬公園嗰邊，啱啱有批防暴警察澎澎聲行出嚟，以為有乜嘢事，其實純粹畀啲下馬威大家睇，希望大家嚟緊呢幾日都小心啲，聽日朝早應該好多人，大家小心啲，靈活變通。」

何韻詩在今日傍晚6時多開facebook live，指自己和楊岳橋在海富中心天橋，守在前線，保護示威者，她在facebook開live，她說：「大家不用擔心，喺度阻擋緊，呢條係同警察傾好咗嘅防線，佢哋暫時唔會郁。」現場示威者向警員說「你叫啲同事唔好再掉」、「你哋出緊香港人嘅錢，唔係叫你服務共產黨」，另有示威者問：「你哋係唔係冷血？」

阿詩不時叫示威者們必須保持冷靜、不要衝動，她續道：「一衝動，佢哋就有權使用武力，千祈唔好衝動，我哋而家傾到條線喺呢度，唔好畀藉口佢哋。」

接着阿詩轉到另一個地方，當中有一個男示威者情緒激動叫阿詩影低警員編號，阿詩即叫這位男示威者保持理性，她說：「你激動就畀位人哋。」之後何韻詩半小時前轉到金鐘廊附近開live，當時示威者在現場與警方對峙，她不斷勸示威者：「冷靜！冷靜！佢哋防線去到呢度，你哋唔好再嘈！」眾人在阿詩呼籲下也停止再與警察衝突起來。
-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9