當年今日
關於我們

【師兄你點睇】文家良有反彈條件 翡翠劇院值得博冷(賴維銘)

蘋果日報 2019/09/11 10:10

文家良賴維銘小島怡情翡翠劇院師兄你點睇

Raymond:兩匹遠赴韓國參賽之馬「逍遙自在」及「豹子頭」無功而還,反而無緣到當地的「仁者荃心」,卻留港贏馬,世事就係咁奇妙。
賴:「仁者荃心」勝出,亦總算為文家良打破悶局,今晚(11日)文廐陣容唔錯,相信經過上季尾一輪悶局後,有條件作出反彈。
好似第三場五班1650米之「小島怡情」,本身質素雖然唔算突出,但勝在實而不華,跑谷戰只要形勢唔太差,往往係前列一分子。此駒上季尾評分錄得大量減幅,落到五班水平,潘頓即於晨課摸到實,相信是心中有馬,而勤操下狀態亦明顯提升。
今晚賽事用B欄,跑1650米轉入直路馬群散開,較利後追馬,「小島怡情」排二檔,由潘頓策騎必然緊咬食胡位,佔盡形勢之利,相信可坐位望贏。
Raymond: 你話文廐今晚有計,會不會有多一匹值得考慮。
賴:半冷不妨留意「翡翠劇院」,呢匹向來谷戰演出較佳之馬,上季尾接連於沙田大敗,減分減咗唔少。
暑假馬匹工夫積極,早前於一課泥閘拖後,沿途走外疊蝕好多腳程,入直路稍加推騎,馬匹即灑開大步,追勁甚強,狀態有相當水準,而且健康亦回穩,今場好多對手眼見未及狀態,這匹文廐馬有條件博冷。
-------------------------------
想唔想知自己財運、事業、愛情會點?參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此