王君馨之前同單立文喺中環街頭拍嗌交戲，仲自揭大褸，大騷裏面一件頭泳衣。

今日王君馨著上野性黑絲上陣，同翟威廉去到荃灣出席活動。不過高登仔一向對佢唔多感興趣，唔知著上黑絲又點睇?

王君馨澄清喺中環自揭嗰件係舞衣唔係泳衣喎，佢話拍攝當日適逢聖誕正日較多途人，起初都有啲尷尬，不過大家都同佢講聖誕快樂無人口多多，所以都拍得好開心，佢話：「舊年聖誕新年都唔駛開工陪朋友玩，今年工作排到元旦，感覺好開心感謝主。」而同場嘅翟威廉對舊公司亞視近日嘅騎呢新聞，就不願多評。