當年今日
關於我們

【睇通睇透】有匹懶馬觀感煥然一新(魯賓遜)

蘋果日報 2016/01/12 06:00

【睇通睇透】有匹懶馬觀感煥然一新(魯賓遜)

苗禮德訓練轉倉馬一向都有唔錯的成績,前馬王「雄心威龍」乃最經典之作。上季轉投苗廐的「由心出發」,接手後隨即連贏兩場,可見練者處理轉倉馬的作風急進。第二場的「萬醒仔」,近一個月晨課積極打磨,操足上陣求交代。
第二場四班1650米:舊馬普遍實力見盡,寧願搏一些有變數的處女馬。「萬醒仔」由馬主自行培育,在外地兩戰全勝,展現強橫後勁,潛質應該唔錯,但來港後跑十場都唔上名,表現相當失望。11月上旬轉投苗廐,晨課操練不斷施壓,12月18日試谷閘田泰安沿途推住走,直路走勢有餘勁。上周一再落草地快跳兩段,省起步頭,步幅開揚,過往的懶性全消,觀感煥然一新。大步馬走外叠會衝得較順,排12檔仲好跑,田泰安騎功硬淨啱發揮後勁,半冷馬膽博得過。
「可愛寶」身長步闊,性能啱跑中距離,上場跑1400米轉彎發力,走六叠蝕位多,直路雖然未能增速上前,但出腳仍能維持力度,只輸三又四分三馬位,已經試準長力,增程跑一哩氣量肯定冇問題,今場排二檔形勢有利,可敲勝門。「升力」狀態長期有爭勝水準,陣上演出穩定,如步速夠快,在四班跑同程隨時可以入圍。「喜多屋」衝刺力短啱跑谷草,而走內叠省腳程,直路會衝得更勁,今場繼續排內檔,三甲機會高。