蘭子前晚現身中環出席時裝活動，昨日她接受記者電話訪問時否認自殺，她說：「我梗係冇事，呢個消息傳出咗，我最怕係會嚇親我媽咪，我𠵱家都唔係娛樂圈中人，大家寫我冇所謂，但唔好牽涉到我屋企人，唔想令佢哋擔心。」蘭子又避談男友利承武，她說：「我𠵱家營商，唔想講咁多私人嘢，不過可以講嘅係今年、明年我都唔會結婚，因為我暫時都未有結婚打算。」
提到蘭子近日出席活動時均刻意以飾物遮掩左手腕上的傷口，她說：「我真係冇自殺，個傷口係我之前放狗唔小心整親，因為位置好敏感，所以咪遮住，費事引起大家誤會。」
採訪：比華利
攝影：陳順禎