志偉接連出喪禮：朋友要送
盧大偉一路好走
蘋果日報 2016/03/29 00:00
本月4日因癌病病逝的盧大偉（盧David），昨日在大圍寶福紀念館出殯，其生前好友曾志偉、王祖藍、張崇德、丁羽、鄭啟泰、契仔金廣誠和林雲中及姪仔盧俊賢扶靈，之後盧David的靈柩移送到富山火葬場火化，一代笑匠化作一縷輕煙。盧太離開火葬場時傷心得要由丁羽攙扶離開，並向傳媒表示：「辛苦晒大家。」在旁的王祖藍見狀即攬一攬盧太以示安慰。
王祖藍昨日與曾志偉和張崇德等為盧大偉扶靈時強忍淚水。
馮克安遺願擬成真
之後一眾親友到尖東一酒家食英雄宴，問到曾志偉大前日出席完武打影員兼導演馮克安的葬禮後，再要出席盧David喪禮，志偉無奈說：「今年唔知點解，3月好多朋友都走，兩個都係好好嘅朋友，一個係武術界，一個電影電視喜劇藝人，我成日都同啲朋友開玩笑，後生做兄弟，老咗就做治喪委員會扶靈；年紀大咗，希望身邊嘅朋友都健康，啲人成日話唔好去殯儀館，話唔係咁好，我就百無禁忌，做人要開心，朋友一定要送。」
問到志偉是否更珍惜與朋友見面機會？他說：「前晚同成班武師食飯，好似徐少強咁好少見，佢係我第一部電影男主角，克仔（馮克安）生前想翻拍一部電影《同撈同煲》，呢個係佢嘅遺願，波姐（馮素波）有同我講，都會諗諗，搵啲同行一齊有機會再拍呢部戲，聚一聚。」
張崇德入行不久已跟盧David認識，過去5年因為返同一教會而熟絡。問會否不捨盧David時，他說：「佢係一個好好嘅人，學盧太話𠵱家社會上好多怨氣，佢能夠幫大家面對事物有一啲正面態度，做好多義工。」
採訪：張俊銘
攝影：沈健程
問到志偉是否更珍惜與朋友見面機會？他說：「前晚同成班武師食飯，好似徐少強咁好少見，佢係我第一部電影男主角，克仔（馮克安）生前想翻拍一部電影《同撈同煲》，呢個係佢嘅遺願，波姐（馮素波）有同我講，都會諗諗，搵啲同行一齊有機會再拍呢部戲，聚一聚。」
張崇德入行不久已跟盧David認識，過去5年因為返同一教會而熟絡。問會否不捨盧David時，他說：「佢係一個好好嘅人，學盧太話𠵱家社會上好多怨氣，佢能夠幫大家面對事物有一啲正面態度，做好多義工。」
採訪：張俊銘
攝影：沈健程
盧太昨捧住亡夫盧大偉的遺照離開靈堂。
盧太離開火葬場時，傷心得要丁羽（左）攙扶離開。
張崇德指近年因與盧大偉返同一教會而相熟。