韓國「長腿Oppa」李敏鎬、樊少皇、吳千語和唐嫣等人今日喺鑽石山出席電影《賞金獵人》宣傳，由於有韓星駕到，加上李敏鎬有咁多粉絲撐場，所以李敏鎬等其他人同粉絲玩完遊戲後才施施然出場，喺台上逗留約15分鐘，並簡單以廣東話自我介紹及回答戲中有關問題，已吸引約300圍觀粉絲尖叫。

戲中李敏鎬同唐嫣喺後備箱拍戲，佢透過翻譯話：「當時空間好細又有動作戲，聞到對方香水味，覺得好尷尬。」

樊少皇同吳千語指拍戲現場，李敏鎬嘅粉絲準備食物車隨時提供食物。問到林峯同李敏鎬邊個較靚仔，吳千語就指住樊少皇話：「佢（樊）囉，總之都靚。」而樊少皇難忘被李敏鎬腳踢嘅戲份，感對方很大力，又話：「我同佢仲要咀嘴，但係借位，差啲掂到又掂唔到嘅。」