當年今日
關於我們

柯煒林獲鎮宇智叔授戲 拍網劇《演員的自我收養》嘆影人辛酸

蘋果日報 2021/06/21 22:25

拾陸比玖濁水漂流柯煒林吳鎮宇

電影《濁水漂流》演露宿者吳鎮宇「兒子」柯煒林(Will),近日在「拾陸比玖」網劇《演員的自我收養》演出,劇名構思來自俄羅斯戲劇大師史坦尼斯拉夫斯基的作品《演員的自我修養》。同劇演員還有「女版阿Dee」陳海寧、馮海銳、周祉君同郭爾君等。
早前Will為劇集宣傳接受《蘋果》訪問,講到劇名原來有玄機,當中「收養」是指自己養自己,「電影行業未必每個人都搵到食,要做唔同兼職,甚至做拆家先至可以養活自己,戲裏面有句對白『幾時做戲最叻?就係對住老闆嘅時候。』每逢對住老闆,每個人都係影帝影后」。

望有第二季演出

《演員的自我收養》拍攝前有圍讀、排戲,因為資金不多,所有前期要做得精準,柯煒林歡喜地說:「劇組諗過剪成電影版,喺大銀幕放,呢件事當然好夢幻。之前出席電影《濁水漂流》分享會,每一次有觀眾同我講有睇拾陸比玖,我哋只係開台個半月,得到佢哋欣賞同喜愛,會繼續行落去。」柯煒林又指希望能夠有第二季演出。
柯煒林拍《濁水漂流》以外,亦曾參與電影《點五步》演出。跟不少好戲之人吳鎮宇、李麗珍、廖啟智合作過,他自言是一種福份,從中獲益良多。講起智叔,柯煒林略帶感觸說:「喺《點五步》認識咗智叔,喺最後一場戲,沙燕隊打水牛隊,佢捉我哋成班圍喺棒球場,同我哋講『打到嚟第9局,而家要面對啲乜嘢?你諗緊啲乜嘢?同自己本人有乜相似之處?』我間中都諗起,我唔認為佢淨係帶我哋入戲,佢係滲緊一啲嘢畀我哋袋住,可以即時意會。」

智叔鎮宇親教戲

在《濁水漂流》片跟吳鎮宇有不少對手戲,他說:「我喺片場反而好少同鎮宇哥交流,因為鎮宇哥好投入角色入面,所以唔夠膽妨礙佢,我怕打斷佢思路,action時就係同鎮宇哥交流嘅時候。我係初出茅廬嘅新演員,鎮宇哥會畀我去試,佢有畀我唔同嘅回應,交流感覺畀我好奇妙。」
柯煒林又為自己在《濁水漂流》片的身份解謎,事實上戲中他並非鎮宇兒子木仔,他說:「我喺戲中名字唔係木仔,但鎮宇叫我做木仔,喺因為佢對個仔嘅心結解唔開,佢借同我講嘢傾偈,將想同個仔講嘅說話講出嚟。」至於與葉童的母子情,柯煒林說:「戲中我哋互相唔理解,即使我係佢親生仔,因為木仔到處去搵被愛感覺,如果唔係佢唔會走。」《演員的自我收養》以黑色幽默方式,講述一班年輕人追尋電影夢,卻被誤當成毒品拆家,導演被綁架勒索,其他人合力營救。故事共5集,在YouTube連載。
-----------------------------
蘋果App大升級 更簡潔更就手!了解更多立即下載體驗