由朴寶英、朴炯植、金志洙主演嘅JTBC新劇《大力女子都奉順》(都奉順)近期喺韓國熱播，劇迷等到頸都長終於等到今晚播出最新一集。《都奉順》首播就有好收視，僅播到第4集就突破8%收視率，而今晚一集更講到朴寶英飾演嘅都奉順見到綁架案嘅犯人，唔知會唔會再刺激收視，令劇集高收10%以上嘅收視率？

喺預告片中可見，犯人今次嘅目標係朴寶英嘅好友，朴寶英擔心夜歸嘅友人而外出搵佢時，發現友人受傷後爆喊，並同犯人正面對決，情節緊張，唔知朴寶英能唔能夠憑怪力捉到犯人呢？另外，由於朴寶英係綁架案嘅證人，所以身為警察嘅金志洙就保護佢，更護送朴寶英返工，令暗戀金志洙嘅朴寶英勁開心。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。