當年今日
關於我們

【賢歸正傳】薛恩最啱蘇保羅!合作座騎要嘜實(廖浩賢)

蘋果日報 2019/09/26 23:30

蘇保羅薛恩廖浩賢賢歸正傳

嚟緊下周二(10月1日)乃國慶日賽事,大摩兩駒,馬王「美麗傳承」及明星馬「忠心勇士」都會安排在當日作季內首度上陣,對我來講,反而期待杜美爾及薛恩復出加入戰團,對大局肯定有舉足輕重的影響。
南非好手杜美爾上季尾在港開始站穩陣腳,早已獲得告東尼、大摩看重,相比來自澳洲的薛恩暑期才來報到,要摸索一段時間,與練馬師多溝通多接觸才開始入局,自然着數得多。
不過薛恩經過熟悉環境後,已經開始獲得各大練馬師信任,尤其蘇保羅,可能澳紐系同聲同氣關係,繼上星期二(17日)替最受馬迷歡迎的「巴基之星」試閘之後,剛周二(24日)朝草閘又有「財富超影」及「環翠戰士」交予其接手,相信未來日子,呢對騎練組合將會加強合作。
事實上,今季蘇保羅的頭馬,比近幾季來得更快,原因好簡單,舊血已清,新兵開始適應環境,只要有分在手,搏殺自然得心應手。
一個固定又騎得的騎師,對大馬房來講非常重要,既然杜美爾已被告仔、大摩重用,而潘頓、雷神、田泰安又多瓣數未必有時間幫到手,相反薛恩有能力兼呢一刻未有叫座力,呢類騎師就最啱蘇保羅心水,下周二賽事蘇保羅馬房共有四駒列正選,且看到時有否好嘢關照停賽復出的薛恩吧!
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港