早前韓國女團Leader's先驚爆被所屬公司老闆朴某性騷擾，點知今日，就輪到4人男團5tion爆被前屬日本事務所女老闆洪某性騷擾，指佢多次send鹹片同鹹相畀成員，令成員發火報警。

其實，5tion正正同前老闆洪某進行數億韓圜嘅民事索賠訴訟，點知近日佢哋就因為被洪某狂send鹹片、鹹相被性騷擾而再向首爾江南警署提出刑事訴訟，而5tion仲指責洪某喺組合約滿之後都冇按照合約條款將5tion所有商標權同肖像權畀返佢哋，5tion近年因為主攻日本而喺當地大受歡迎，而洪某就趁機擅自以5tion個組合名喺日本招募新成員，成立新5tion。