【千葉直擊】日職試腳表現落力 歐冲：自己團火仲喺度
蘋果日報 2019/12/17 18:27
千葉標準流浪日職聯歐陽耀冲試腳彭林林
港超聯標準流浪球員歐陽耀冲及彭林林獲日職聯邀請，參與今日的年度試腳，均有不俗表現。小將彭林林指見識過日職水平後，未來會更努力裝備自己，力爭再度外闖。
由日職球員工會舉辦的年度試腳昨天起一連兩日在千葉市蘇我足球場舉行，兩位港將獲安排在今日出場。當地氣溫僅得攝氏七度，雖開波前更下起大雨，但港將發揮未受影響。擔任前鋒的歐冲在兩場熱身賽中取得一個入球；而踢左中場的彭林林同樣有不俗表現。之後轉到主場館進行正規比賽，歐冲雖未有再得入球，但他在前場仍積極逼搶，表現落力。而彭林林半場被換入後與師兄同在左路攻堅。年僅21歲的他未見怯場，與隊中左閘本多琢人策動多次攻勢，更交出一次助攻，表現絕不失禮。
賽前彭林林曾笑言要追到日職球員「車尾燈」，今日能否如願？「喺體能同速度都算追到，但喺場上即時決策上面，佢哋真係做得好好，要繼續提升自己能力。」他自評今日表現有七分，但認為自己年紀較細，未必有球會相中他：「當然想再有機會外闖，但一定要再努力，裝備好自己先，唔係都係嘥時間。」場上四處都見到歐冲身影，他笑指「自己團火仲喺度」，但無奈不時舉手現位仍不獲隊友理會：「同以前去一間球會試腳好唔同，依度所有球員都冇班落，一定係會自私啲，大家都想入波，唔交波畀你係好正常。」
記者麥卓溢日本千葉直擊
歐冲表現活躍，多次在前場逼搶。
現場下起傾盆大雨。
球員為爭一紙合約，個個落力爭取表現，落腳飛剷畫面不時出現。
觀眾席上有不少日職球會的球探甚至領隊，冀在今次試腳賽中覓得良將。
彭林林
歐冲賽後接受日本傳媒訪問。
歐陽耀冲（右）及彭林林