隨住巴西中場菲臘比古天奴，周中代表利物浦出戰歐聯，今季轉投巴塞隆拿嘅機會已經微乎其微，紅軍球迷想機會變成0，周六就收到好消息，巴塞會長巴杜美親口承認收購古天奴失敗。

巴杜美接受加泰隆尼亞電視台訪問時表示：「市場根本不容許我哋作出收購，球會無辦法強逼，市場已經有很大改變；不過我對球隊新兵都好滿意，奧士文尼迪比利係尼馬最佳替補，尼爾遜施美度同荷西保連奴都係有貢獻新兵。」