溫碧霞日前到泰國拍攝新片《墮落花》，當地氣溫有35度，拍外景幾乎熱溶，劇組好細心為溫碧霞準備太陽遮、風扇仔之外，仲有大量沙冰同甜品畀大家解暑，佢開心話：「我哋時間好趕，日日都要趕工開足全日，冇得出去玩啦！不過劇組好貼心，整咗好多好好味嘅泰國菜。」佢仲笑話每日出外景就好似焗桑拿咁，全組工作人員都好辛苦。
撰文：馮仁昭