近日，韓國娛樂圈都充滿住戀愛氣色，先後有幾對圈中情侶好似李東健同智妍、Alex同趙賢榮公開戀情晒恩愛。

而男團MADTOWN成員Buffy唔知係咪因為咁心郁郁，噚日就喺自己Instagram上公開同上位女團G-Friend成員Eunha夜會嘅相，但之後又極速刪相，令網友相信佢有意無意咁公開戀情。

相中，Buffy同Eunha都猶如小情侶咁喺江邊拍拖，佢兩個仲一人拎住一杯野飲自拍，有一張相，Eunha仲將個頭貼落Buffy度，非常sweet。

而Buffy仲喺相下面標籤「date」、「lovestagram」同「girlfriend」等帶有愛意嘅字眼，加上Buffy公開張相之後冇耐又刪相，令戀情更加似層層。